اصحاب الخبرة فى كود الفحص هوندا اكورد 2005

الخطأ الأول:
حساس تسخين الاوكسجين فيه مشكلة يتنضف أو تغيره
روح للوكالة وعطيهم العبارة هذي ويطلعولك الحساس:
- Faulty Heated Oxygen Sensor (H2OS) Bank 1 Sensor 2

الخطأ الثاني
حساس الاوكسجين الأمامي على الجانب1 غير نشط
لو غيرت حساس حرارة الاوكسجين اعتقد يروح هذا الخطأ أيضا

تاكد من افياش حساس الاكسجين لايكون فيها مشكله خاصه الي غيرته

الكود الي فيه سنسر 1 هو الحساس الي غيرته ومكتوب انه غير نشط يعني فيه مشكله اما القطعه غير متطابقه او الفيش والسلك فيهم مشكله

الكود الي فيه سنسر 2 هو الحساس الي اسفل ويجي بعد دبة التلوث وممكن تكون المشكلتين مرتبطه ببعض

انت ركز على الي غيرته وشوف اسلاكه وتوصيلاته وتاكد انه يناسب سيارتك وبعد ماتخلص اموره شوف الثاني هل هو متعلق بالاول او مشكلته منفصله

حساس الشكمان اتوقع يبيله تغير.
هل يوجد صوت انفجار اذا دعست بقوه

فيه برنامج اسمه اكواد اعطال السيارات obd2 باقوقل بلاي

اشكر جميع الاخوه على الافاده

وجزاكم الله خيرا

بالنسبه للشكمان مافيه اصوات ولا انفجارات ابدا قبل ما اغير الحساس كان في ريحه عادم بسيطه واستهلاك البنزين كان التنك افوله ب40 ريال يمشينى 400 الى 450 كيلوداخل البلد والان مافى ريحه عادم والتنك باقى فيه اكثر من الربع وماشي 450 كيلو اعتقد ممكن تكمل معايا ل 550 كيلو وامس فكيت الحساس الثانى الى تحت ونظفته بس لسه لمبه المكينه شغاله محتاج افحص تانى كمبيوتر اذا حد يعرف مكان بيع قطعه فحص الكمبيوتر obd 2 ارجوا يدلنى عليه ولكم خالص الشكر

اذا انت بالرياض تواصل معي على 0501133933 عندي القطعه موجوده ونفس المشكله
بس في الحساس اللي خلف المكينه وطلع الكود p0135 حاولت امسحه مو راضي اتوقع المشكله بالاسلاك

انا غيرت الحساسين وظبطت الحمد لله وانتهت المشكله

حبايبي السلام عليكم بخصوص خوينا انا اعاني نفس المشكله بس الكود طلع p0135 والسبب اللي حتى لو غيرت حساسين اللمبه ماتختفي هو من دبة التلوث
اللي تجي في النص بصراحه انا شريت السياره ولها سنتين واللمبه والعه ولظروفي الماديه ماقدرت اصلحها
المهم رحت لكذا كهربائي اعلمه بالمشكله والكود ويقول لازم افحص ب 150 المهم خليته يفحص وقال نفس الكود ومو راضي يروح عندك مشكله في الظفيره وبتكلفك 1000 ريال
انا هنا انهبلت قلت وين الف ريال صاحي انت قال خلاص عطني قيمة الفحص والله اركب وامشي قلت انا معلمك بالكود من اول كان علمتني انها ظفيره اما تفحص وتطلع نفس المشكلة وتقول عطني 150
المهم سحبت عليه ورحت لواحد الله يسعده قال بسيطه دبة التلوث مو موجوده جيبها وتروح اللمبه مع اني مغير حساس جديد واللمبه مو راضيه تطفى طلع السبب من دبة الرصاص وبروح باذن الله التشليح اخذها
نصيحتي لف الصناعيه كلها لين تتاكد وبيني وبينكم كنت بستسلم وادفع 1000 فكرتها من جد ظفيره
والحمدلله تيسرت لقيت الدبه ب 400 وبروح اخذها وبنشب له يمكن ب 300 اخذها
تاكد من دبة التلوث يمكن خربانه عندك وبعدها افحص ياصاحب الاكورد